موسوعة للمجاراة الشعرية

الآدمـي لو ان دمعـه عـشب كان انكـبّـت

عليه رعـيان الـحـلال اهـل النفـل والعـندب



لكـنـّها دمعـه تـناسـتها الجـفون وْصبّـت

فـوق الخـدود وْجرّحـت قلب الضـلوع الحدّب



وش عاد ياللي لك سمي لبّى وعيني لبّت

وآنا سـنا جـرد الـمـعاني من فـراقـك جـدّب



حـظٍ يقـفـّي بك مثـل بـزرٍ ريـاحـه هـبّت

واقـفى مثل ما اقـفيت يندب والغلا مايندب



وْلا طفت ضو الوصال وضو هجرك شبّت

أبا احـسـب الـندبات في قـلبٍ عـروقـه نـدّب



وان احملت عوج السنين المقبلات وربّت

نـدّب عـلـيّ قـصـيـــدةٍ زيـنـه وانـا با نــدّب



قلوب الاحباب الحقيـقـيّـه لا منها حبّـت

تـعـامل الـمـتـأدّبـين بْـحِـشـمـة الـمـتـأدّب

كل من ألاقي نور في وسط الاحلام

جتني ورود الشوق تبكي على النوم



ما نمت من عقب اللـقا عـشرة ايّام

كل من أغض العين أذكره وآقوم



الله بـلاني في المحـبّـه عـلى تـوام

ما اقدر على وحده وانا أعشق التوم



ما كـنت إلا هـالك الحــب م العـام

ولا صـرت إلا هـالك الحب للـيوم



جنـّي ثـنائيات من وصف الاريـام

واللي بـلانـي ما بلا حـد يا قــوم



بالضبط نفس الشيّ من قاع الاقدام

للراس حتى سايح الشعر مهضوم

وش رايك فْـ وحـده لها صـوتٍ حـلو

ما تـتـصــل إلاّ مَـعَ وقـت الفـطـــور



لـكـن صـدّقــــــنـي إلى قـالــت ألــــو

ما عـاد افـكّــر بالأكـل لين السَـحــور



مـن الـكـبــر كـنـها تـكـلّــــم مـن عـلـو

ومن الـغـنـج كـنها خليـط مْن الزهـور



أطـيـش مـثـل الـما مـن بطـن الـدلــو

وتهـيد مثل الحزن في وسط الصدور



لو قـالـت آنـا فـاتـنـه .. قـلـنا ولـو

ما قلتي إحنا نقـولها يا اخت البـدور



وانـا عـلـيـها ذاب حـالي .. واسـألـوا

إحساسي اللي يدفعـه صـدق الشـعور

أسـمع صـدى صوته بعـيـدٍ ينادي

واشوف قلبي للصدى يتبع نداه



من فاتنه في وصفها الحسن عادي

يرسم صور من خاطرٍ ما تعدّاه



شعـرٍ لفـاني منه ريــم الـبــــوادي

الجادل اللي تزهرالأرض بخطاه



يـشـكي ودادٍ من صـمـيم الـفـوادي

ويا كم قبله من شكى الحب ويلاه



وكان الذي به في خـيال اعـتـقادي

عنـّه نشيل الهم والجرح و وزاه



وان كان له فدوى ترى الحال فادي

والـمال قـبل الحـال والله يــفـداه

لي صاحب من اوّل إذا قمت اناديه

الشوق من بين المحاني يشبّه



تقول لي لبّيه .. لبّيه .. لبّيه

وانا اتفدّى به مع كل لبّه



واليوم شكله ضايق ٍ ما اعرف ش فيه

من الوصل ريح المفارق تهبّه



لو كان ضاق بسبّه .. اجيه وارضيه

المشكله ضايق ومن دون سبّه



ياهيه .. يامغرور .. ياهيه ياهيه

هذا ترى ماهو نظام الأحبّه



لو قالوا العذال وش إنت تبغيه

أبغيه رمز ٍ للوفا والمحبّه

من بين كل الخلايق شفتها
زين والزين كله بهالوجود

حب من اول نظره اعطيتها
قلب ملك نظر عينها السود

ملاك بهالكون ربي صاغها
ومن شافها كأنه شاف الورود

تحيه لمن بالقلب امكانها
اكيد تجس نبض ابياتي بالردود